top of page
AHORANGI
KURAHUNA
Hawaikī
Rangiātea
Ko te kurahuna
o te ao mārama o te ao atua
kurahuna o
rangi & papa
Nau mai ki te kurahuna o Ahorangi
Ko te rongoā o tahito mā
Ko te whatitoka ki te ao mārama
Ko te tataupounamu o te ao atua
Ko te tohu o Rangi me Papa
Ko te tuhi o Rangi
Ko te reo o Ahorangi
Tuhirangi
I O
Ko te tuhi o te ngākau o Ranginui e tū iho nei
He tuhituhi te tohu, ko te tuhi o ngā mātua tīpuna nō maimai
Ko tana mahi he whakarite i a tātau mō te ao atua
Ko te ao atua o Ranginui e tū iho nei
o Papatūānuku e takoto ake nei
Ko tana kurahuna he rongoā
Haere mai
Ki te kurahuna o Ahorangi
Tuhia he rārangi mai i runga ki raro, ko te rārangi kotahi
I
Tuhia he papa e huri mai ana kia kotahi
O
He rārangi e tū ana, he papa e takoto ana
Kurahuna kurawaka kuraatua e
Kei aku atua nei au ka mihi
Ko Ranginui te rārangi
Ko Papatūānuku te papa
Ko te rārangi ia o Ranginui e tū iho nei
Ko te papa ia o Papatūānuku e takoto e ake nei
Tēnā kōrua kei aku atua
Ko Rangi rāua ko Papa he tipua he tahito he atua e
I O
Ranginui Papatūānuku
kawa o niu
rangi & papa
He tohu atua a Tuhirangi
Nō te rākautapu a Tūmātauenga
Ko te atua o te pakanga
Ko te kaitiaki o te kōpūnui o Papatūānuku
Te Moana Nui a Kiwa
Womb of Motherearth
Tūmatauenga
Sentinel of the womb
Mo Tuhirangi
I O
Ko te tuhi o Rangi me Papa te tuatahi o ngā tuhi o Tuhirangi
E whā ngā tuhi
Ko te mea tuatahi te whatitoka
Ki te ao mārama o
Ranginui e tū iho nei me Papatūānuku e takoto ake nei
I te tuhi tuatahi, e wehe ana te tokorua
Ko te wehenga o Te Ōrokohanga tōna tikanga
Ko Te Ōrokohanga te kupu nui ā rātau mā mō tō tātau haere mai ki te ao
Tuhi tuarua
Ko takarangi te whakamārama
Ko takarangi te māramatanga
Ko te taka o Rangi i a Papa
Ko te taka o Rangi ki a Papa
Ka puta a pito
taranga
hurioteWehenga
Ko te taka o Rangi ki a Papa
Ka puta a pito
Tuhi tuarua
Ko te Taranga
Ko te huri ia o te Wehenga
Taranga
Te Ika a Māui
Te Ika a Māui
Tikitiki a Taranga
Ko te taranga o Rangi me Papa
Ko te kotahi o Rangi me Papa
Ko te kotahi o tātau
niu see land
aoraetoAotearoa
brow of guardians
He tuhi tuatoru
He tuhi tuawhā
Ka ea
He whakaoti i te tikitiki a Taranga te kawa atua nei
He taputapu ōna hei whakaea
Ko Tuhirangi tētahi
Kuhu mai ki te kurahuna o Ahorangi
Ko te kawa o niu o Ahorangi
E taranga ai tātau katoa tokitoki huri noa
Ki te ao mārama o te ao atua
o Ranginui e tū iho nei
o Papatūānuku e takoto ake nei
Hihā
Kss
Ahorangi
Hawaikī
Rangiātea
Io e oho oI
iomatuakore
Kitea ai e ō tātau tohunga te tuhirangi o te ao tahito
ko te rārangi o Ranginui me te papa o Papatūānuku
i te tuhi a te Pākehā he atua, ko ngā pūreta nei o te ‘i’ me te ‘o’
I te hurikino o te ao ka kurahunaia tōna kawa
o Hawaikī o Rangiātea ko te kawa tonu o Rangi me Papa
Ka kapohia ngā pūreta e rua o te tuhi Pākehā
ka whakahua māoritia hei kupu ka puta ko Io
Ka nui te whakarongo ki te tauhou me tōna paipera o te atua kotahi
Tahitongāwari tonu te tūhonotia o te whakapapa o te rangi me te whenua
kia mau ai te kawa tahito nei ki roto i te kupu a te karaitiana
mō te atua hou kātahi anō ka tae mai
Ka mau te tuhi o te ao tahito, ka mau ko Io ki te ngākau
o te ao karaitiana o te Māori, kia mauru ai te aroha
Hei whakaoho a tōna wā
Kei aku rangatira
E oho
Marangatū kia whiti
E!
Ko te rārangi me tōna papa nei he tohu kē, ehara i te kupu
Ko te whatitoka ia ki te rangi me te whenua
He whatitoka te tatau pounamu
Huakina mai te tatau kia uruuruwhenua e
IO whatitoka
breakthestone
 |  |  |  |  |  |
|---|---|---|---|---|---|
 |  |  |  |  |  |
kaiatua ruakiatua
soulfood
E whā tekau tau te roa o taku waka o te kurahuna e pītau whakarei ana
ki Hawaikī te whenua o ngā mātua tīpuna
Whakatipuria ai taku whānau ki tōna kai he kai atua ka ruaki atua
Rite tonu te roa o te whāngainga a te kai atua nei ki a tātau huri noa, huri noa te motu
Arā kē ia te kai e whakarongohia and, e mātakitakina ana e koutou i ngā tau
Nō mātau e whāngai ana i Te Ōrokohanga ki ngā pīpī o te kōhanga reo puta noa
ki ngā Kura Kaupapa Māori o tātau, ki ngā Kura ā-iwi ō tātau
ki ngā kura o te Pākehā, kura tuatahi, tuarua, tuatoru tuaaha atu rānei
Ko te kawe i te kupu nui a rātau mā mō tō tātau haere mai
ki te ao mārama o te rangi e tū nei o te papa e takoto ake nei
Ka tae mātau ki ngā kokoru puta noa o tō tātau whenua atua
o Te Ika a Māui. Ki runga i ngā atamira o ngā whare whakaari o tauiwi huri noa
Puta ake ki ngā reo irirangi o te motu, reo Māori reo Pākehā
Tau rawa ki te tiwi, ko te pouaka whakaata ki ā tātau mokopuna
Ko ngā paki kōrero a rātau mā e hāngai ana ki te tamaiti nohinohi nei, taiohi nei
pakeke tonu atu nei, puta noa ki te motu
Ki te ao kiriata, ki mua i te whatu o te kāmera
ki muri hoki e raweke ana i ngā pātene
Kātahi hei tuarā mō ēnei haere katoa, ko te atamira o te whakatūpapa, anā
ko te maraeātea a Tūmatauenga, ko te umupokapoka a Tū
ko tō mātau ao o te ora, ko te ao atua nō te pito o tō mātau whakapapa
Nā, koina ia taku mahi a Ahorangi mō ngā huritautau nei
ko te whakarite i te atamira
Ko te atamira ia o te marae o Hawaiki o Rangiātea
o te kākano i ruia
Ko te kaimārō a rātau mā he kaiatua
Ko te huarahi o ngā mātua tīpuna nō te whare kōrero o Māuipōtiki
Ko Ranginui e tū iho nei te tāhu o te whare
ko Papatūānuku e takoto ake nei te papa o te whare
rangi&papa
tune&rhythmtech
 |  |  |  |
|---|---|---|---|
 |  |  |
ahorangi
skylite
Nau mai piki mai kake mai rā, kia whati i te toka ka tūtaki ai tātau
Nei ahau o Ahorangi
Ko te kotahi o Ahorangi i whati ai te toka
ki te ao mārama i hinga ai te tataupounamu o te ao atua
kia wātea ai tōna kawa o Ranginui e tū iho nei
o Papatūānuku e takoto ake nei
Mō wai?
Mō tātau
Mō ngā uri whakatipu
Tēnā tātau katoa
ahorangi
eyeofthesky
Ko Chris Winitana taku ingoa
Ko Ahorangi tōku atua
Ko te atua ia o taku whānau o taku kāwai o taku whakapapa
He Māori ahau e noho māori ana i te ao māori
Ko te ao o te rangi me te whenua
Ko te ao mārama o Ranginui me Papatūānuku
Nō hea? Nō Hawaikī rā anō
Nō hea? Nō te kākano i ruia mai rā i Rangiātea
Ko te kākano ia o te ao atua
Nau mai
bottom of page